ಭಾಮಿನಿ ಷಟ್ಪದಿ - 5

ಹರಿಯ ಜೊತೆಯಲಿ ರಮೆಯು ಕುಳಿತಿರೆ 

ಹರನು ಬಂದನು ಗೌರಿಯೊಂದಿಗೆ 

ಸುರರ ಲೋಕಕೆ ಮೆರಗು ತುಂಬುತ ಬೆಳಕ ಚೆಲ್ಲುತಲಿ। 

ಹರುಷ ಪಡುತಿಹ ದೈವ ಲೋಕವ 

ಕರುಣೆಯಿಂದಲಿ ಕಾಯುತಿರುವರು 

ಬೆರಗುಗೊಳಿಸುತ ಜಗವನೆಲ್ಲವ ತಮ್ಮ ಶಕ್ತಿಯಲಿ॥ 5 ॥ 

ಭಾಮಿನಿ ಷಟ್ಪದಿ - 3

ಉಗಮವಾಗುತಲೆನ್ನ ಮನದೊಳು 

ಸುಗಮವಾಗಿಹ ನದಿಯು ಹರಿದಿದೆ

ಮೊಗದಲನುದಿನ ಕಾಂತಿ ಮೂಡುತಲರಿವು ಬೆಳಗುತಿದೆ।

ಜಗವ ಮರೆಸುವ ಭಕ್ತಿಬಾವದೆ  

ಮುಗುಳುನಗುತಿಹ ತಾಯ ನೋಡಲು 

ಗಗನ ಕುಸುಮವೆ ದೊರಕಿದಂತಿದೆ ಗುರುವಿನಾಶ್ರಯದೆ॥ 3 ॥